نكت جميلة جدا

موضوع: نكت جميلة جدا السبت مايو 07, 2011 2:09 pm

بسم الله الرحمن الرحيم
اليوم انا جايب الكم نكت حلوة ومضحكة

ثاااااااااابت!!!
جندي اهبل اسمه ثابت كل ما يصرخ الضابط بالجنود: ثااااااااااابت يقول : أفندم م م !!! الضابط قال له: يا بابا مش انت أنا قصدي اثبتوا دون حركة.مع الأيام استخبر الضابط أن الوزير سيزورهم قال:أكيد ثابت حيكسفني مع الوزير، فأحسن لي أطلعه أجازه. يوم وصل الوزير صرخ الضابط : ثابت.... ردوا عليه بقية الجنود بصوت واحد : طلع أجازة يافندم!!!!!!

شاربين؟
سكرانين وقفهم شرطي قالهم: شاربين؟ قالوا: لا، قالهم: ليش اثنينكم عيونكم حمر؟؟ قالوا: مهو احنا قرايب.

صلاة العبيط
واحد عبيط صلّى 15 سنة يرزقوا الله ولد.. بعد كل االسنين اجاه وحي بالمنام بقولو ولك اتجوز بالأول

خير الامور الوسط
عجوز راحت عند دكتور.. قالها الدكتور: وين اغزك الابرة؟ عليمين أو اليسار؟ قالت العجوز: يا ابني بقولو خير الامور الوسط

الارض والفضاء؟
في أثنين جالسين واحد من الفضاء وواحد من ألأرض أبو ألأرض يقول لأبو الفضاء صحيح عندكم الدقيقه تساوي مليون سنه عندنا والدينار يساوي مليون دينار عندنا؟ جاوبو: نعم.. فقلو أبو الارض أعطيني دينار... جاوبو أبو الفضاء : طيب أستنالك دقيقه..

اسباب الضغط
الأستاذ: ما لذي يسبب نزول العرق وزيادة ضربات القلب؟... الطالب: أسئلتك يا أستاذ

غبي بالاجر
واحد غبي راح يعزي سأل الناس: ما في أمل يرجع؟

ليس بالضرورة نصر
جندي عربي عاد من جبهة القتال وهو يرفع اصبعين عاليا "علامة النصر" فسـألوه: انتصرنا؟ فقال: لا بقينا أثنين

الكتكوت الشرس
مرة واحد مربي كتكوت مفترس كل ما يحط معه عصفور في القفص بخلص عليه راح رماه فى الصحراء بعد يومين الرجل حس بالذنب راح لقيه مرمي على الارض والنسور والصقور بتحوم حوليه راح الراجل قال: حبيبى انت مت ولا ايه؟ راح الكتكوت قال: الله يخرب بيتك خربت الفخ

الاعمى
الاول: من مال الله يا محسنين . الثاني: وشو الي يدريني أنك اعمى. الاول : شايف هذيك الصخره يلي بالزاويه؟ الثاني: نعم شايفها. الاول : أنا مش شايفها

ملاحقة البنات
محشش قال لصاحبه: الدكتور قالي إني راح أموت بعد يومين إذا بضل ألاحق البنات!! صاحبه سأله: غريب... وكيف عرف الدكتور؟ قال المحشش: مهو البنت يلي عم بلاحقها زوجة الدكتور...

الصديق الامين
شب قال لرفيقه أقول لك شي بس تخليه سر بيننا قال:ايوه قال: ديني 500 دينار قال الثاني: خلاص روح ولا كأني سمعت شي

العيون الحمر
محشش سأل محشش عيوني حمرة شو أعمل؟ قال المحشش الثاني: خليك واقف ما تعمل شي لما تصير خضرة امش!!

اعمال المجنون
الزوجة: حبيبي أديش بتحبني؟ الزوح: كتير. الزوجة: يعني إذا متت شو بيصير فيك؟ الزوج: والله بجن. الزوجة:يعني ما رح تتزوج بعدي؟ الزوج: والله المجنون ممكن يعمل أي شي...

اجمل هدية!!
واحد بعيد الحب سألته مرتو شو جايبلي هدية بمناسبة العيد قال جوزها: شايفة سيارة الفراري الحمرة اشتريتلك حومرا نفس لونها

سجارتين مع بعض
واحد يدخن سجارتين مع بعض سألوه ليش؟ قال: وحدة عني ووحدة عن صديقي المسجون بعد فتره صار يدخن سجاره وحده قالوا له:أكيد صاحبك طلع من السجن قال : لأ أنا بطلت التدخين

الاستاذ الغبي
الابن: يابا الاستاذ غبي كتير. الأب: وليش يا ابني؟ الابن: دائما هو يسأل ونحن نجيب

تفي...!!
رجل بده ينام جنب مرته قالتله مرتو: تفي، راح الرجال و فرشى أسنانه ولما رجع.. قالتله مرته: تفي، راح الرجال و غسل وجهو وتعطّر ولما رجع.. رجعت قالتله مرته: تفي، راح الرجال تحمم ولما رجع قالتله مرته: تفي قال لها الرجال ولك شو بدك؟؟ قالتله: تفي الضـوّ

ليلى الحمراء
ليلى رأت الذئب وراء شجرة في الغابة فقالت في دهشة: أأنت الذئب؟ قال: نعم، بعد ذلك هرب منها.. راته كمان مرة خلف صخرة فقالت له: أأنت الذئب؟، قال نعم فهرب منها.. ورأته داخل مغارة فقالت: أأنت الذئب؟ رد بغضب: نعم أنا الزفت أنا الذئب، ذبحتيني... خليني أقضي حاجتي

شو هالمعنة الحلو!!
اثنين مهسترين، قال الاول للثاني: ايش معنى السبيل؟ قال الثاني: الطريق. قال: طيب ايش معنى السلسبيل؟ قال: الطر طريق

اكثر كلمة مستعملة
الاستاذ ماهي الكلمة التي يستخدمها التلاميذ عادة؟ التلميذ: لاأعرف يا أستاذ. الأستاذ: أحسنت!!

الكبد والكلي
الزوج والزوجة تماماً مثل الكبد والكلى.. الزوج هو الكبد.. والزوجة هي الكلية.. إذا فشل الكبد يحدث فشل كلوي.. بينما إذا فشلت الكلية يتعامل الكبد مع الكلية الأخرى

راحت علينا راح ننمسك
اثنين خرجو من الامتحان واحد بيقول للثانى: كيف عملت بالامتحان؟ قاله: اسكت ترتكت الورقه فاضيه.. قاله: الله يخرب بيتك راح يفكرونا غاشين من بعض

انشاء الله تعجبكم النكت

تحياتى : أمير الغرام

موضوع: رد: نكت جميلة جدا السبت مايو 07, 2011 3:53 pm

ههههههههههههههههههههههههههههه

مشكور كتير على النكت المهضومة

انشاء الله تعجب غيري

تقبلوا مروري

موضوع: رد: نكت جميلة جدا السبت مايو 07, 2011 4:24 pm

مشكورة جدا على مرورك الرائع والمميز

تحياتى

موضوع: رد: نكت جميلة جدا الأحد مايو 08, 2011 1:55 am

سلمت يداك أخي امير الغرام على النكت الحلوة

والله ضحكت كثير لما قراتها
ننتظر المزيد من ابداعاتك
تقبل مروري

تحياتي
روح المنتدى : ملكة العشاق

موضوع: رد: نكت جميلة جدا الأحد مايو 08, 2011 4:14 am

مشكورة جدا على مرورك الرائع والمميز

تحياتى : أمير الغرام